🛑 वसंतोत्सव
वसंत आला , वसंत आला
मिळुनी सारे नाचू चला , गाऊ चला
ऋतुराजाची किमया न्यारी
निसर्ग सुंदर करतो भारी
स्वच्छ सुगंधित करी जगताला
वसंत आला , वसंत आला
गुंजन करिती खग आनंदे
चतुष्पाद उल्हासित मोदे
आसमंत गुणगुणू लागला
वसंत आला , वसंत आला
पालवुनी तरुवर म्हणती
पुन्हा नव्याने आलो जगती
सुंदरतेचे रुपची ल्याला
वसंत आला , वसंत आला
शुद्ध बीजापोटी , फळे गोमटी
निसर्ग वाटी , सुमनांची ताटी
या हो या तुम्ही पर्यटनाला
वसंत आला , वसंत आला
हेचि शिकुनी सकलजन
निर्मल करुनी अपुले मन
निसर्ग जणू ही पहिली शाला
वसंत आला , वसंत आला
©️ प्रवीण अशितोष कुबलसर
( 9881471684 )
.jpeg)
No comments:
Post a Comment