🛑 क्षमा

🛑 क्षमा

दया , क्षमा आणि शांती

येत असतात संगती

देव तेथेचि वसती

की करती तिथे वस्ती ?

करता आली पाहिजे दया

नाहीतर जाईल सर्व वाया

क्षमा याचना ज्यांच्या ठाया

बनतील शांततेच्या राया

क्षमा करणे गुण चांगला

म्हणती मानव आहेचि भला

जे देती फुकटचा सल्ला

अवगुणांचा असेचि गल्ला

अंगी नम्रता धरु जरा

अहंभावा मागेचि सारा

क्षमेची जवळीक तुम्ही हो करा

हाचि असे मानवतेचा झरा

सुख समृद्धी येईल जीवनी

जर कृतज्ञता जपाल मनोमनी

ठराल तुम्ही हो जगीचे ज्ञानी

रीत व्हावी सकलांची जनीमनी

चूक होणे हा जरी असे मानवधर्म

असू शकते कदाचित एखादे कुकर्म

जाणून घ्यावे सत्यासत्याचे मर्म

क्षमा करणे हाचि आहे अपुला धर्म

फुकाची प्रतिष्ठा काय असे कामाची

माफ करण्या काय गरज धामाची

त्यासाठी वाचा रामरक्षा रामाची

नका उगा वाढवू रागाची माची

©️ प्रवीण अशितोष कुबलसर ( कणकवली )

🛑 क्षण

 🛑 क्षण

प्रत्येक क्षण असतो महत्त्वाचा

प्रश्न जेव्हा असतो आयुष्याचा

गाडी सुटत असताना बघतो जेव्हा

हुरहूर मनी वाटते तेव्हा

सापडली नाही म्हणून त्याचा

त्रास होतो प्रतिक्षा करण्याचा

म्हणून प्रत्येक क्षण असतो महत्वाचा

जन्मवेळ सुद्धा क्षणच असतो

पळ, घटिका काहीतरी असतो

अवेळी जन्म झाला तर

काळ त्यालाच भक्षण करतो

घालवून टाकतो सारी वाचा

म्हणून प्रत्येक क्षण असतो महत्वाचा

गाडी चालवतानाही हे होतच असतं

पापण्या मिटून चालणार नसतं

चालकाच्या हातात स्टेरिंग असतं

त्याने ते नीट चालवायचं असतं

वापर करु नये त्याने फोनचा 

रस्ता दाखवू नये त्याने वरचा

म्हणून प्रत्येक क्षण असतो महत्वाचा

आभाळातून पडणारा एखादा थेंब

ज्याने उगतो भूईतून अनाहूत कोंभ

माती , ऊब आणि पुरेसे पाणी

कोंभ गातो मंजुळ गाणी

हाही क्षण असतो महत्त्वाचा

नवजीवन नित्य फुलवण्याचा

म्हणून प्रत्येक क्षण असतो महत्त्वाचा

रागाने राग वाढत जातो

क्षणाक्षणाला तो संपवतो

प्रेमाने जग जिंकण्याचा

विडा उचलूया नाती जपण्याचा

वसा घेऊया स्वानंदी जगण्याचा

म्हणून प्रत्येक क्षण असतो महत्त्वाचा

फोनवर ती बोलत होती

बोलत होती की भांडत होती

शब्दाने शब्द वाढत होता

तंटा राक्षस जागृत होता

शाब्दिक खेळ काय कामाचा

क्षण एक पुरे प्रेमाचा

म्हणून प्रत्येक क्षण असतो महत्त्वाचा

©️ प्रवीण कुबल ( जयश्रीसुत )

🛑 क्षितिज आपले तुपले

आकाशाच्या पल्याड

काहीतरी दिसतंय

आकाश जमिनीला टेकलंय

भास फक्त होतोय

किती वर्षे झाली

पाठलाग त्याचा करतोय

पुढे जातोय तसा

गायब होत जातंय 

सर्वांचं असंच होत असावं

काहीतरी दिसावं

आणि मिळत नसावं

नुसती आभासी कासवं

माणसाच्या मनाची आसवं

दिसत नाहीत कधीही

तीही जणू क्षितिजापरी 

आसमंतात विलीन होणारी

घडू नये कधीही असे

जीवन अपुले जगताना

क्षितिजाच्या पलिकडले

भास अंधुक होताना

©️ प्रवीण अशितोष कुबलसर

( 9881471684 )

🛑 चैतन्याची गुढी उभारावी

नववर्षाचा दिन सोन्याचा

आला आपुल्या घरोघरी

स्वागत करुया आपण सारे

गुढी उभारु दारोदारी

गुढी उभारुन चैतन्याची

वसा घेऊया संकल्पांचा

आरोग्याला नित्य जपुया

मनी पेटवू दीप कल्पांचा 

अमृतवाणी आणू जिव्हेवर

कटू कडूपण सोडू आता

जग जिंकूया आपण सारे

माणूसकीचा वाढवू साठा

वाचावे नित्य काहीतरी ते

समृद्धीची गाऊनी गीते

विद्यांजलीचे व्रत घेऊनिया

शारदा माते नित्य पुजुया

दारी रांगोळी सडा काढुया

गोड धोड खाऊ खाऊया

अंतःकरणी सौहार्दाचा

मळा फुलवू आत्मियतेचा

©️ प्रवीण अशितोष कुबलसर  ( 9881471684 )